ÚLTIMA SEMANA DE COLE

Aínda que actualizado tarde, deixóvos aquí algunha información das cousas que fixemos na "última e estresada semán". Última porque xa rematou o curso, e estresada porque a clase dos globos e nós tiñamos que pasar tódalas probas que o Capitán Cara de Pan nos pedía na webquest para poder atopar o tesouro que os piratas inimigos agocharan no cole, entón a présa tivemos que pasar moitas probas: facer un catalexo, facer un gorro, poñer un parche, facer un barco con bandeira pirata, grabar cancións piratas (que van incluidas no noso disco)... efinalmente atopar o tesouro.
Aquí veredes como fomos para a casa despois de atopar o tesouro: co noso parche, o gorro pirata, o catalexo, un carnet co noso nome pirata (e que estaba agochado no tesouro, no medio de moitas moedas de ouro e chocolate, claro).

NOVAS PROBAS DA WEBQUEST NO EDI

Ó ter superada a primeira proba que nos mandou o Capitán Pirata na webquest, e que era a de construir o noso propio barco, e que plenamente a superamos tanto nós coma a clase dos globos. Hoxe fomos a buscalos para seguir superando probas.
E temos un par delas para facer, unha é que temos que ensaiar varias cancións piratas que coñecemos para mañá gravalas co micrófono e insertalas no noso disco de "TODO ÉXITOS PULPIS 2007-2008" que pronto sairá ó mercado.
E a outra proba que nos mandou foi que construisemos os nosos catalexos para poder vixiar coma os piratas.

1ª PROBA SUPERADA, XA TEMOS BARCO PIRATA!!!

Mirade o resultado, é un galeón atípico, pola súa forma e sobre todo polos seus materiais, pero nós fixemos o barco tal e como nos propuxo o Capitán Cara de Pan.

AUTÉNTICOS PIRATAS

Hoxe, dous dos encargad@s do día, convertéronse en auténticos piratas. Enzo e Claudia, foron a buscar ós nosos compis os Globos para que viñeran a ver unha nova webquest no EDI.
Nela, o Capitán Cara de Pan, mandanos facer unhas probas e investigar cousas sobre os piratas, para que tras pasar tódalas probas, podamos recibir outra mensaxe con pistas sobre onde se agocha o tesouro do cole.
Unha das probas que temos que superar agora é construir o noso propio barco pirata, pero aínda nos queda moito por facer, digamos que aínda está no asteleiro.

OS NOSOS PRIMEIROS DEBUXOS SOBRE PIRATAS

Onte cada un debuxou o que para el ou ela eran os piratas, e tamén falamos das nosas ideas iniciais sobre o tema.
Despois, escollimos dous dos debuxos máis bonitos (que resultaron ser os que fixeron Iago e Enzo) e fotocopiamolos en branco e negro, en lugar de colorear unha ficha de libro ou de internet fotocopiada, así somos nós os verdadeiros editores das fichas, e cada un os pintou como quixo.
Así quedaron pintados os debuxos:

ALGUÉN COÑECE PIRATAS? E CANCIÓNS DE PIRATAS?

Mirade o vídeo, e veredes a un pirata coñecido, logo tentade aprende-la canción.

COIDADO!!! HAI PIRATAS POLO COLE!!

Sí, sí, sí!! o que líchedes, hai piratas polo cole. Hoxe ó abrir a Caixa Máxica, e despois de bastante tempo sen ter nela ningunha sorpresa, hoxe sí que quedamos sorprendid@s, cando os encargard@s abriron a caixa, e... tiñamos unha mensaxe pirata nunha botella!!!!. Escribiuna o Capitán Cara de Pan, que nos pedía axuda para atopar un tesouro que agocharon no cole os seus inimigos o Pirata Capa de Prata, e o Pirata Pata de lata, pero... non podíamos buscalo sen máis, para poder axudarlle a atopalo, precisamos saber moitas cousas sobre os piratas, así que... xa sabedes o que nos toca:
A INVESTIGAR!!!!!

Nós fomos a pedirlle axuda á clase dos globos para que nos axuden, pero tamén aceptamos calquera tipo de axuda que vós nos podades achegar, ben a través dos nen@s (enviándonos información, libros de piratas...) ou ben a través do correo electrónico (sexades quen sexades, podedes colaborar). A dirección é: clasedebea@hotmail.com
Moitísimas grazas de antemán!

CANTAS COUSAS DA PREHISTORIA SABEMOS!!

Hoxe rematamos a nosa investigación cavernícola, e xunto cos nosos compis de investigación "a clase dos ratos" e a "dos globos" fixemos un xogo de pistas entre todos.
O primeiro que fixemos foi facer tres grupos, azul, vermello e amarelo... e logo misturámonos todas as clases por cores, de xeito que cada equipo ís con unha ou outra profe.
Pasamos diferentes probas: cruzamos a cova da clase dos globos (cun túnel xigante), cantamos a canción do "Mamut chiquitito" que as profes inventamos, fixemos murais cavernícolas cooperativos, cazamos un mamut (con pelotas, claro) e... atopamos fósiles!!!!!
Logo entre todos recordamos cantas cousas sabemos da prehistoria, e... sabes o mellor de todo? que o pasamos XENIAL!!

OS NOSOS RETRATOS

Hoxe fixemos os nosos retratos, e para iso... pintámonos mirándonos ó espello, para que non se nos olvidara de poñer nada, e non ter confusións da cor que temos os ollos, se temos dúas orellas ou ninguna (pois moitas veces ós nenos/as que debuxamos non lles poñemos orellas por despiste...) se temos cellas e pestanas... se temos ou non pecas, se levamos ou non pendentes, se somos loiros ou morenos... Con todos os retratos estamos facendo unha exposición no corredor, pois nos encanta que vexan as nosas obras, así que, ós que andades polo cole, invitámosvos a vela.
Así foi o proceso:

OS PRIMEIROS CONTOS QUE REMATAMOS DOS QUE NOS ENVIARON DENDE SEVILLA

| View | Upload your own

| View | Upload your own

| View | Upload your own

OS CAVERNÍCOLAS DESCUBREN O LUME

Hoxe lemos un conto recordatorio do noso proxecto dos cavernícolas, ó que lle tivemos que poñer título, e tamén facer os debuxos colaborativamente, o resultado foi boísimo!! Mirade.

CONTO DA PREHISTORIA E PANEL DE DATOS

Na Caixa Máxica apereceu un conto da Prehistoria, que mentres eu lin, escoitaron moi atentos, para lembrar todo canto aprendimos neste proxecto que estamos a rematar.
Despois con todos os coñecementos lembrados, fotos dalgún traballo feito no proxecto, fotocopias de debuxos do contos... e con textos escritos por nós, e outros feitos a ordenador, estamos facendo un panel avalitivo de coñecementos, para ter na clase, coma temos o dos dinosauros.

O NOSO COLAR PREHISTÓRICO

Hoxe fixemos un colar prehistórico con roliños de cartón e bólas de plastelina. Xa sabemos que na prehistoria non había plastelina, pero simulamos que eran pedras porque furar pedras ía ser misión imposible, non credes?

CONCURSO DE OBRAS DE ARTE

Son moitas as obras de arte que levamos feito neste ano, pero hoxe fixemos a "NOSA EXPOSICIÓN OFICIAL DE OBRAS DE ARTE" á que lle puxemos ata os títulos as nosas obras, aínda que non todos elixiron o título, e algúns teñen a fin de semán para deliberar cal será o seu título final, pois non se vale repetir, e curiosamente, aínda que podían pintar libremente o que quixeran, case todos os cadros son de castelos.


Aquí podedes ver a exposición e como van indo as votacións

A modo de concurso, cada cadro ten un número que poderes ver poñendo o rato sobre a imaxe, e podedes votar cal vos gusta máis, para saber cal é a obra gañadora deste concurso, e que coma concurso que é terá un premio ¿Cal será?

XA TEMOS NOME DA NOSA TRIBU CAVERNÍCOLA

Non estábamos moi ocurrentes, e somos "A tribu dos Pulpis cavernícolas", tamén bautizamos ó noso mamut da clase como "Pulpi" (moi orixinal tamén, jeje), e cada un xa levou o seu colgante da tribu para a casa.
Mirade que bonitos nos quedaron!!

PINTURAS RUPESTRES CON XICES DE CORES

Hoxe fixemos "pinturas rupestres" no corredor. Primeiro tentamos facelas con carbóns (cinzas do magosto) pero non nos pintaban nada, así que, ó final decantámonos por facelos con xices de cores.

CAZADORES PREHISTÓRICOS

Hoxe aproveitamos a facer unha actividade plástica para o noso dossier da Prehistoria. O que fixemos foi repasar con ceras brandas as siluetas duns cazadores, e posteriormente pintamos todo por riba cunha augada de diferentes cores (auga e acuarela).
Aquí están os resultados:

COLGANTES CAVERNÍCOLAS

Hoxe convidamos á clase dos Globos outra vez a vir a traballar á nosa aula, posto que eles tamén están pescudando ós cavernícolas, e fixemos un obradoiro de barro, no que cada un elaborou o seu propio colgante cavernícola.
Non pensedes que os cavernícolas levaban colgantes coma os que temos agora, non!!, no paleolítico o material que máis abundaba era a pedra, e tamén tiñan barro pois che chovía moito enfangábase a terra e convertíase en barro. Así que, nós quixemos probar a ver como farían eles un colgante, e así, teremos "unha sinal de tribu cavernícola".
Os colgantes decorámolos, ademais de con pedriñas pequenas, con cunchas, caracolas de mar... e por riba houbo quen lle botou "brillantina prateada" (a area da praia que quedaba entre as cunchas).
Tamén van a formar parte desta tribu os nen@s da clase dos "ratos" que tamén están a pescudar con nós, aínda que como son máis pequeniños (3 anos) por non andar subindo e baixando escaleiras farano nesta semana na súa clase.
Cando sequen as nosas obras, ensinarémosvos o guap@s que estamos!!!

REMATANDO O DOSSIER DE ARTE

Xa hai tempo que temos material para o noso dossier, pois fixemos algunhas obras (de Picasso, de Van Gogh, de Kandinsky...) con diferentes técnicas plásticas, pero tamén estamos a xogar coa arte (coas palabras, coas letras, cos números) recordando moitísimos dos datos que temos nos paneis de arte da nosa porta, e de datos que fomos aprendendo en diferentes medios (no EDI, en internet, nos libros que trouxo Gustavo...)

Aquí podedes ver unha mostra de como está quedando o dossier, cando esté rematado xa o poñemos enteririño para que non vos perdades nada.

E tamén vos ensinamos o ben que traballamos hoxe, pois fixemos unha especie de concurso, e como agasaio puidemos facer unha pulseira, aínda que por falta de tempo, quedaron 4 por rematar e levaranas o luns para á casa. Son as pulseiras máxicas da primavera. Mirade que fácil as fixemos, e que bonitas nos quedaron!!

QUEREDES UNHA? SÓ PRECISADES PAPEL DE SEDA E TUBIÑOS TRANSPARENTES DE MANGUEIRA